Nagbaton sang financial assistance ang anum tanan ka mga rebel returnees gikan sa mga banwa sang Lambunao, Calinog, Bingawan, Igbaras, kag Barotac Nuevo, Iloilo.
Ginhatag sang DILG ang financial assistance sa idalum sang E-CLIP ukon Enhanced Comprehensive Local Integration Program nga tag-65,000 pesos kada isa para sa ila livelihood.
Kahapon nga adlaw, Mayo 17, ginpresentar sang 61st Infantry Battalion sang Philippine army ang mga rebel returnees kay Governor Arthur Defensor sa Provincial Capitol kalakip ang mga ginsurrender nila nga mga armas.
Kalakip sa mga armas nga ginsurrender amo ang US Rifle Caliber .30 M1 Springfield (Garand), .45 Caliber Pistol, homemade 12 gauge shotgun, Caliber .357 Revolver, Caliber .38 Revolver, kag MG7 grenade.
