Padayun nga gina-obserbahan sang Rural Health Unit sa banwa sang New Lucena, Iloilo ang anum ka tawo nga ginkagat sang layaw nga ido kalakip ang isa ka apat ka tuig nga bata.
Natabo ang insedinte sang nagligad nga adlaw sang sabado kag biyernes nagligad nga semana sang hinali lang nga nagpang –atake kag ginakagat ang sino man nga tawo nga masumalang sini.
Suno sa kay Dr. Christina Reala ang Municipal Health Officer sang nasambit nga banwa, yara sa maayo nga sitwasyon ang mga biktima matapos nga ginbulong kag ginhatagan sang ikaduha sa tatlo ka doze sang anti- rabies vaccine.
Dugang pa sini nga wala sang tag-iya ang ido nga hinali lang nagtuhaw sa diin una sini nga nabiktima ang apat ka tuig nga bata nga maka duha ka beses niya nga ginkagat.
Kasunod sang insedinte, nagdesisyun ang mga residenti nga patyon ang ido para indi na makapangagat pa.
Ginapanugyan naman ni Reala sa mga tag-iya sang ido nga mangin responsible kag kon mahimo indi pagpaguwa-on ang mga ido sa balay.
Importante man nga ipa-immunized ang mga alaga sang anti- rabbies vaccine.
