Tuman ang pagkanugon sang iloy sa iya 6 ka tuig nga bata nga lalaki nga napatay bangud sa dengue sang nakaligad nga Domingo sang gab-i sa WVSU medical Center.
Ini ang ginpahayag ni Mrs. Mylene Porquillo, iloy ni Zyron Rex Clarence Porquillo, sa interview sang RMN Iloilo.
Suno kay Mrs. Porquillo nga pinaka-vivo nga bata sa ila lugar ang iya anak kabangdanan nga madamo ang nanungon diri matapos mapatay bangud sa dengue.
Nahibaluan nga una nga ginhilanat ang bata sang Maretes sang hapon kag Miyerkules sang kaagahon gindala nila sa ospital matapos ginkurog ini bangud sa kataas sang hilanat.
Una nga gin-diagnose sang doktor nga meningitis ang sakit sang bata apang sang ginpaidalum sa laboratory, negatibo ini kag ulihi na naguwa nga dengue ang balatian sini.
Suno sa iloy nga ginpaathag snag doktor nga nangin madasig ang pag-atake sang dengue virus sa bata bangud una nga guin-igo sini ang atay sang bata kag nagdiretso sa utok tubtub nga ginbawian ini sang kabuhi sang Domingo sang gab-i.
