Apat ka mga armasluthang, ginturn-over sa Dumarao PNP!

75

Dumarao, Capiz- Apat ka mga armasluthang ang boluntaryo nga ginturn-over sa mga kapulisan sa banwa sang Dumarao. Si Kapitan Elorde Aborde sang Brgy Malonoy Dumarao ang nagturn-over sa mga kapulisan sang isa ka single shot nga 12-gauge shotgun kag isa ka Magnum .357 revolver. Si Kapitan Rene Diez sang Brgy Calapawan, Dumarao, nagpadulong man sa stasyon sang PNP agud nga itugyan ang isa ka unit sang long barrel 12-gauge shotgun. Ang amu nga mga armasluthang suno sa duha ka kapitan ang boluntaryo man nga gin-surrender sa ila sang wala na ginhingadlan nga residente sang ila barangay. Samtang isa man ka seaman ang nagturn-over sa mga kapulisan sang ginapanag-iyahan sini nga .45 caliber pistol Yama brand. Ang nasambitan nga accomplishment ang resulta sang mas ginpasangkad nga kampanya sang kapulisan nga ginatawag “Tokhang Kontra Ginadilian nga Pusil.”
(c)- web photo/Dumarao PNP PCAS

Facebook Comments

From Advertisers