DepEd: Permit sa Salugpungan schools suspindedo

Davao City – Epektibo karong adlawa, July 12, 2019 ang pagsuspinde sa Department of Education (DepEd) sa operasyon sa mga tulunghaan nga gipanag-iyahan sa Salugpungan Ta’tanu Igkanugon Learning Center Inc. (STTILCI) sa Davao del Norte.

Sa interbyu sa DXDC RMN Davao kang Jenielito Atillo, spokesperson sa DepEd-XI, gikumpirma niini nga subay sa direktiba gikan sa DepEd central office, suspendido ang operasyon sa maong eskwelahan sugod karong adlawa.

“We would like to confirm nga ang DepEd Regional Office-XI was given an instruction, gitagaan og direktiba, order ni DepEd Sec. Leonor Magtolis-Briones nga i-suspenso ang permit to operate ug recognition status sa mga private schools nga gipanag-iyahan ug gi-operate sa Salugpungan Ta’tanu Igkanugon Learning Center,” saysay ni Atillo


Gisaysay ni Atillo nga rason sa maong desisyon mao ang gipadangat nga report ni Secretary Hermogenes Esperon, National Security Adviser ngadto sa DepEd nga ang maong mga eskwelahan wala nagtudlo subay sa sumbanan nga departamento diin ginagamit usab sumala pa ang mga bata sa mga rally ug ginatudloan sa mga idolohiya nga nag-advocate og lakang batok sa gobyerno.

Hinuon, subay sa proseso, adunay gihatag nga lima ka adlaw ang departamento alang sa maong tulunghaan sa pagtubag sa maong alegasyon ug pagpasabot sa DepEd ang dili hingpit nga pagpaundang sa ilang operasyon.

“We are waiting for the response of Salugpungan Ta’tanu Igkanugon. While waiting for that response, we are now suspending the operation of Salugpungan all throughout region eleven,” tataw ni Atillo.

RadyoMaN Kirby Manzon

Facebook Comments