Pilar, Capiz – Ginpanghunong sa lock- up cell sang banwa sang Pilar ang apat ka mga persona nga nadakapan sa akto nga pagpatigayon sang iligal nga pagbulang sa Barangay Santa Fe, Pilar, Capiz.
Kalakip sa mga nagkaladakpan amo sanday sanday Romeo Catalan, 49 anyos; Joel Vergara, 40- anyos; William John Cordova, 30- anyos kag Joemar Villar, 46- anyos ang pang- edaron.
Narekober sang mga kapulisan ang tatlo ka mga manok nga pangbulang kag iban pa nga mga kagamitan.
Nahibaluan nga madasig nga nagpalagyo ang iban pa nga mga persona nga yara sa lugar sang namutikan ang presensya sang mga kapulisan.
Ang mga nagkaladakpan nga mga persona ang magapangatubang sang kaso nga paglapas sa Presidential Decree No. 1602 ukon ang Anti-Gambling Law.
– web photo
