Roxas City, Capiz – Apat ka mga poluy-an ang ginlamon sang kalayo sa nagluntad nga sunog pasado alas 2 sang hapon sa Barangay I, Roxas City.
Kalakip sa nasunog amo ang poluy-an nga ginapanag-iyahan nanday Terisita de Felipe, Reynaldo Harion kag Mary Grace Harion samtang partially burned naman ang poluy-an nga ginapanag-iyahan nanday Roberto Gallardo y Alayon.
Ginapatihan nga naghalin ang kalayo sa poluy-an nanday Reynaldo Harion. Masuwerte naman nga wala sang may napilasan sa amo nga insidente.
Nangin madasig naman nga nakaresponde ang mga firetruck sang Roxas City Fire Station kag CACAG kabangdanan nga napunggan sa gilayon ang paglapta sini sa mga kahilapit nga poluy-an.
Sa subong, gina-establisar pa kun anu ang ginhalitan sang sunog.
Base sa Roxas City Fire Station, nagalab-ot sa P200, 000 pesos ang kabug-osan nga kahalitan sang amu nga sunog.
Suno sa interview sa mga apektado sang sunog, ginkakibot na gid lamang sang mga ini sang gulpi nag-ibwal ang kalayo kabangdanan nga madasig ang mga ini nagguha sa tagsa nila ka mga panimalay.
