Nagsurender ang apat ka mga aktibo nga miyembro sang My phone Platoon, East Daguma Front, Sub Regional Committee Daguma, Far South Mindanao Region sang New People’s Army sa 7th Infantry (TAPAT) Battalion (7IB) sa Brgy Kalawag II, Isulan Sultan Kudarat.
Ginkilala ang apat nga sanday alias Roy; alias Kenken; alias Mady; kag alias Caca nga dala sang mga ini sa pagsurender ang isa ka cal. 30 M1 Garand rifle nga may walo ka bala, cal.30 Springfield rifle, cal. 38 revolver nga may lima ka bala, kag isa ka cal. 30 Springfield rifle with one magazine.
Suno pa ang sobra nga kurapsyon sa grupo, gutom kag padayon nga combat operations sang militar ang nagtulod sa ila nga magsurender.
Ang Municipal Task Force to End Local Armed Conflict (MTF-ELCAC) sang Esperanza, Sultan Kudarat ang nangin dalan para mapakita sang gobyerno sa mga NPA nga indi tama ang ila ginapakigbato.
Mensahe naman ni Lieutenant Colonel Romel S Valencia, Battalion Commander sang 7IB sa mga ini nga indi na magbalik sa grupo kag mangabuhi na lamang sang matawhay.
Paagi naman sa Enhanced Comprehensive Local Integration Program kag Executive Order No.70 makabaton ang apat ka mga former rebels sang ayuda kag benepisyo.
Panawagan naman ni Maj. Gen. Juvymax Uy, Commander sang Joint Task Force Central sa iban pa nga miyembro sang communist terrorist group nga magsurender na tungod padayon ang ginatanyag nga reintegration packages sang gobyerno sa mga nagasurender.
Base sa datos sang militar umpisa sang Enero subong nga tuig yara na sa 13 ka CTG members ang nagsurender sa militar sa western, southern kag central Mindanao.
