Kinilala ang mga suspek bilang pawang mga lalaking residente mula Bakakeng Central, Baguio City, at Bumbuneg, San Gabriel, La Union.
Nakumpiska sa operasyon ang tinatayang 10 gramo ng hinihinalang shabu na may halagang ₱68,000, at humigit-kumulang 100 gramo ng pinaniniwalaang dahon ng marijuana na may fruiting tops na nagkakahalaga ng ₱12,000.
Narekober din ang iba’t ibang drug paraphernalia na may bakas umano ng shabu, pati na ilang non-drug evidence.
Ayon sa pulisya, nakatakas ang ikalimang suspek habang isinasagawa ang operasyon. Gayunman, nakatakdang sampahan ng kaso ang naturang indibidwal sa paglabag sa Section 5 ng Comprehensive Dangerous Drugs Act of 2002 (RA 9165) upang makakuha ng warrant of arrest laban sa kanya.
Samantala, mahaharap naman sa kasong paglabag sa ilang seksyon ng parehong kaso ang apat na naarestong suspek. |𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
