Davao City – Gikabalak-an sa usa ka konsehal nga maapektuhan ang kahimtang sa panginabuhian sa mga jeepney drivers ug operators dinhi sa syudad tungod sa pagpatuman sa modernization program sa gobyerno.
Kini ang gibalak-an ni Davao City councilor 3rd District Conrado C. Baluran atol sa iyang pahayag sa regular session sa Davao City Council kaganina.
Buot niya na mahatagan og klarong tubag ug solusyon sa gobyerno ang maong programa nga dili usab maapektuhan ang panginabuhian sa mga drivers.
“I have nothing against modernization program in our transport system, any developmental change should be look as a positive change. But, I do consider also the plight and worries of our drivers and operators whose livelihood depends on it. I hope that all their ambiguities and worries about this program must be cleared and answered in the name of justice and equity,” sigun ni Baluran.
Gani nasubo usab ang konsehal nga sa dili madugay mawala na ang mga karaang jeep.
“I felt the sadness that comes with saying goodbye to our jeepney – an iconic Philippine transportation vehicle,’’ dugang ni Baluran.
Kahinumduman nga gimando ni Presidente Rodrigo Duterte nga sugdan na ang pagpatuman sa jeepney modernization sa nasud aron mapulihan na og mga bag-ong sakyanan nga dunay cameras, speed limiters, automated fare collection systems ug uban pa.
Sumala sa ubang mga dabawenyo, kini na ang ginahulat nga solusyon aron maibsan ang bug-at nga trapiko sa syudad ug malikayan ang mag sakit nga makuha sa buga gikan sa sakyanan.
Lyza Diansay, JMC Intern
