Nagaumpisa na baton sa subong sang aplikasyon ang Overseas Workers Welfare Administration Regional Welfare Office 12 para sa duha ka mga baccalaureate scholarship programs para sa mga OFW dependents sang aktibo nga OWWA members para sa School Year 2021-2022.
Mangin benepisyaryo ang mga OFW`s dependents sa Education for Development Scholarship Program (EDSP) para sa mga naenrol sa College kag ang OFW Dependent Scholarship Program (OFW DSP) para sa mga dependents nga manugfirst year college ukon nakaenrol na.
Sa Education for Development Scholarship Program (EDSP) makabaton sang P60, 000.00 financial assistance kada school year para sa tuition fees kag iban pa nga academic-related expenses sang benepisyaryo.
Samtang para naman sa OFW Dependent Scholarship Program (OFWDSP) makabaton sang P 20,000.00 financial assistance ang benepisyaryo para sa tuition fees kag iban pa nga academic-related expenses kag P300,000.00 per scholar nga health kag accident insurance.
May-angot sini, ginahangkat ni OWWA XII PSD OIC- Chief Kristine Marie H. Sison ang mga OFW dependents nga i-avail ang nasambit nga scholarship programs sang OWWA nga makabulig sa OFW family ilabi na subong nga panahon sang pandemya.
