General Santos City—Nangayo ug pinansyal nga tabang ngadto sa mga taong adunay malumuong kasing-kasing ang apohan sa 10 anyos nga bata nga namatay human nahulog sa swing sa Sunshine Subdivision, Barangay Lagao, ning syudad.
Sumala pa ni lolo Alberto Hucutan, apohan sa biktima nga na gisod sila sa pagpahiluna sa patayng lawas sa biktimang si Ryan Palma Jr. tungod kuwang matud pa silag pinansyal mao nga sila nangayog tabang.
Kahinumduman nga nabusdak ang likod ug ulo sa biktima human nga gitabyog sa iyang amigo ang swing nganahimutang sa playground sa ilang lugar maong kini nahulog.
Naghilak matud pa kini nga mipauli sa ilang balay tungod sa nahitabo kaniya apan wala pa gipahospital sa iyahang mga ginikanan ug gi obserbahan lang, apan pagkabuntag, dili na matud pa malihok sa bata ang iyang mga tiil mao nga gidala na kini sa balay tambalanan. Human sa pila ka oras, nakabsan kini sa iyang kinabuhi.
