Nakadawat ug seryosong bahad sa kinabuhi si DOTr Regional Director Patrick Gumaos pinaagi sa mensahe sa text, hinungdan nga iya kining gireport sa Police Station 3.
Nadawat ni Gumaos ang mensahe sa text alang 12:29 sa kaadlawon, Agusto 31, 2017, gikan sa wala mailang responsabli gamit ang cellphone number 09052173152 pinaagi sa pulong “Maranao”.
Ang mensahe gihubad sa binisaya nagkanayon, “*ito kritikal si Papa ikaw na ang hinungdan.*
*“ Wala gyud ka mahangyu nga usa pa ka tuig mo-retire na among amahan. Isug ka peru wala ka nagpakita sa turn over ni Papa ug OIC RD Plaza. Dalo sa posisyon. Mamatay ka hurot mo’ng tanan.”* , dasun pa sa maong text.
Subay niini nagdumili si Dir. Gumaos sa pagpa-interview aron malikayan nga mosamot pagdaku ang problema. Gilikayan usab sa opisyal nga basin ug adunay laing mosakay sa isyu.
Angay masayran nga gitudlo unta isip regiona director sa Department of Transportation si Guma-os, apan wala kini makalingkod gumikan kay adunay gitudlo nga OIC si DOTR Secretary Arthur Tugade.
Wala usab gikabutang sa blotter asa naga gikan ang maong hulga. (photo courtesy PATRICK GUMA-OS FB ACCOUNT)
