Roxas City, Capiz- Ginahulat na lamang ang approval sang Food and Drug Administration (FDA) para sa pagpatigayon sang clinical trials para sa mga bakuna kontra sa COVID-19.
Suno kay Department of Science and Technology (DOST) Philippine Council for Health Research and Development Director Dr. Jaime Montoya, ang mga luyag nga mag-participate sa clinical trial ang kinahanglan nga magpaidalom sa detalyado nga selection process.
Ang mga lugar nga may high transmission sang COVID-19 ang igaprayoridad.
Magadugay ang clinical trials sang tatlo tubtob anum ka bulan.
Sa mahibaluan nga temporaryo anay ginpauntat ang final clinical trial sang kompanya nga AstraZeneca kag Oxford University para sa potensyal nga bakuna kontra sa COVID-19.
Ini matapos nga magbatyag sang indi pa mapaathag nga sakit ang isa ka volunteer sa United Kingdom.
Gin-ako ni British Health Minister Matt Hancock nga dako nga hangkat para sa ila ang pagpa-untat sang vaccine trials kag indi lamang ini ang una nga tiun nga may yara sang natabo nga kasubong kasubong nga insidente sa Oxford vaccine.
Sa subong ginahulat na lamang sang British government ang resulta sang imbestigasyon.
Isa ang nasambitan nga bakuna sa ginakabig nga strong contender sa iban pa nga mga potesyal nga COVID-19 vaccine nga ginapatigayon sa iban nga bahin sang kalibutan.
