Aratiles ukon sarisa bulong sa diabetes basi sa pagtuon sang isa ka Ilongga nga estudyante

1528

ILOILO CITY – Viral karon sa social media ang kadalag-an sang dies y sais (16) anyos nga Ilongga matapos ginpresentar ang iya pagpanalawsaw sa paggamit sang sarisa/aratiles bilang bulong sa sakit nga diabetes sa ginhiwat nga 2019 Intel International Science and Engineering Fair (ISEF) sa Phoenix, Arizona, USA.

Ini ang ginkilala kay Maria Isabel Layson sang Iloilo National High School (INHS) Special Science Class.


Si Layson ang isa sa mga winners sang 2019 National Science and Technology Fair (NSTF) sang Pebrero kag nangin isa sa dose (12) ka tiglawas sang Pilipinas sa isa sa ginakabig World’s Largest Pre-College Science Research Competition.

Se send-off ceremony nga ginhost sang Department of Education (DepEd) nalakip man si Layson sa mga ginpasidunggan sang Gokongwei Brothers Foundation Young Scientist Award.

Suno kay Layson, nangin sentro sang iya pagtuon ang diabetes bangod ini ang ginakabig ‘’top causes of death” indi lang sa Pilipinas kundi sa bilog nga kalibutan.

Napukaw man ang atensyon ni Layson sa sarisa nga ‘locally available’ kag sa masami ara lang sa higad sang dalan, wala ginasapak apang napun-an sang anti-oxidant.

Sa panalawsaw ni Layson nga ginatig-uluhan “Bioactive Component, Antioxidant Activity, and Antidiabetic Properties of Muntingia calabura Linn An In Vitro Study” nadiskubrehan sini ang potensyal sang sarisa bilang bulong sa type 2 diabetes.




“Nagtuon ko sang aratiles or sarisa para ma – address ang diabetes… Ang conclusion sini amu nga tanan nga parte sang sarisa nagacontain sang anti-oxidants nga makabulig ini siya sa iya nga anti-diabetic properties niya”, ang pahayag ni Layson sa interview sang RMN Iloilo.

Gin-athag ni Layson nga indi lang bunga sang sarisa ang mapinuslanon kundi dala man diri ang iya gamot, sanga, dahon, bulak kag bisan pa panit./ via RMN Iloilo

Facebook Comments