Dakop ang tatlo ka lalaki matapos madakpan sang akto nga naga-transaksyon sang illegal nga armas luthang sa Barangay Don Lutero East, Janiuay, Iloilo mga alas 2 kaina sang hapon (Mayo 27).
Ginkilala ang mga suspek nga sanday Cezar Mateo, 33 anyos sang Barangay Taslan, Tapaz, Capiz; Jimmy Triso, 39 anyos sang Barangay San Miguel Ilaud, Tapaz, Capiz; kag si Jay Torres, 35 anyos sang barangay Zarrague, Pototan, Iloilo.
Nadakpan ang mga ini nga naga-transaksyon sang illegal nga armas luthang kag nakuha sa ila posisyon ang 2 ka colt 45 , isa ka short nga homemade 12 gaugse shotgun, 3 ka magazine sang 45 caliber pistol, isa ka beltbag, duha ka cellphone kag isa ka motorsiklo.
Sa karon yara sa custody sang Janiuay PNP ang tatlo ka magapangatubang sang kaso nga paglapas sa RA 10591 ukon illegal possession of firearms kag Comelec gun ban.
