Andam na ang Davao City sa umaabot nga ika-81 nga Araw ng Dabaw karong Marso.
Sugdan ang maong aktibidad pinaagi sa opening mass nga ipahigayon sa San Pedro Cathedral alas 5:30 sa hapon diin sundan kini sa opening salvo sa Rizal Park. Kini gibutyag ni Araw ng Dabaw spokesperson Orly Escarilla.
Gisulti ni Escarilla nga adunay 21 ka mga official events sa maong pagsaulog lakip na dinhi ang upat ka mga events nga nag gikan sa milabay’ng Pasko Fiesta nga mao ang ‘Koro sa Pasko’ diin gitawag na karon og ‘Koro Dabawenyo’, ‘Lamdag Parada’, ‘Yugyugan sa Dabaw’ ug ‘Tugtugan sa Dabaw’.
Gilauman sa maong tigpamaba nga mas daghan ang mga turistang mo dayo dinhi sa dakbayan ug gi-awhag ang tanang Dabawenyo nga mosuporta alang sa kalampusan sa umaabot nga ika-81st Araw ng Dabaw.
