Matud ni 10ID Spokesperson Army Major Mark Anthony Tito, gamay nalang ang nabiling mga sakop sa CPP NPA NDF Terrorist group nga naglihok sulod sa ilang huresdiksiyon karong panahona.
Sigun ni Major Tito, sa Southern Mindanao Regional Committee bugtong ang Guerilla Front 57 nalang nabilin ug hinay na usab kini nga grupo nga nag-operate sa lungsod sa Quezon, probinsiya sa Bukidnon.
Giingon ni Major Tito, walay undang ang military operation batok sa mga rebelde nga miresulta sa duha ka engkwentro nga natigayon sa duha ka Barangay sa munisipalidad sa Quezon niadtong Disyembre 25, 2023 hinungdan sa pagka-recover sa tulo ka tag-as nga mga armas, kagamitan, ug mga dokumento nga iya sa mga kumonista.
Kung mapuhag na ang Front 57, anha na hingpit madeklara nga gawasnon na gikan sa mga teroristang NPA ang entero area sa 10ID, diin una nang nalimpyo gikan sa mga front committees ang entero sa rehiyon onse halos duha na ka tuig ang nakalabay.
RadyoMaN Joel Viray
