ARESTADO! | Babaye nga nagpakuno kuno nga nagabusong, nagpang shoplift sa isa ka mall; suspek, ginpasakaan na sang kaso

517

Roxas City, Capiz – Nagapangatubang na sang kaso sa City Prosecutor’s Office ang 47-anyos nga ginang nga nagpang-shoplift sa Gaisano Mall sa Arnaldo Boulevard, Roxas City. Ginkilala ang suspek sa kay Emelita Alquizar, tumandok sang Barangay Padada, Davao del Sur.
Nadakpan sang mga civilian roving security sang nasambit nga mall nga nagpangkuha sang mga bayo para sa bata ang suspek kag ginpangsulod sini sa iya bag. Wala pa makontento ang ginang, nagpadulong pa ini sa ladies section kag ginkuha man ang pila ka mga items.
Wala na makapalagyo ang suspek sang ginpalapitan sang civilian roving security kag gindakop. Nahibaluan nga nagpakuno-kuno lamang nga nagabusong ang suspek, kag sang ginrekisa sang mga personnel sang nasambit nga mall, nakuha diri ang dugang nga mga bayo.
Nagalab-ot sa P5,643 ang kabug-usan nga balor sang mga items nga nakuha ni Alquizar. Samtang nagapabilin sa karsel sang Roxas City PNP ang nasambit nga ginang.

Facebook Comments