Pontevedra, Capiz – Arestado sa ginpatigayon nga drug buy bust operation sang Provincial Drug Enforcement Unit sang Capiz PNP ang duha ka mga kalalakinhan sa Barangay Malag-it, Pontevedra, Capiz.
Ginkilala ang mga suspek nga sanday Arthur Golez, 19 anyos kag Ricky Alcorano, 28 anyos, lunsay residente sang Barangay Lawaan, Roxas City. Nakuha sa mga kamot sang mga suspek ang apat ka sachet sang suspected shabu, P500 nga buybust money kag iban pa nga drug paraphernalia.
Sa karon, nakahunong na sa lock-up cell sang Pontevedra Municipal Police Station, sanday Golez kag Alcorano. Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang nasambit nga mga suspek.
Facebook Comments
