Dumarao, Capiz – Dakop ang duha ka wanted nga mga persona samtang ang mga ini ang yara sa Sitio Agsubay banwa sang Dumarao alas 4:30 sang hapon.
Una nga ginserbehan sang warrant ang wanted person nga ginkilala kay Edgar Magno y Domines, 39-anyos sang Brgy Sagrada Familia Dumarao bangud sa ginapangatubang sini nga madamo nga kaso sa Lemery Iloilo.
Kalakip diri amo ang attempted murder nga may piyansa P120, 000 pesos, frustrated murder nga may piyansa P200, 000 pesos kag duha ka counts sa kaso nga murder nga wala naman sang ginrekomendar nga piyansa para sa temporaryo sini nga kahilwayan. Samtang dakop man bangud sa duha ka count sang kaso nga pagbayolar sa P.D. 532 ukon Anti-Highway Robbery Law of 1974 ang wanted person nga si Arthur Labrido sang Brgy Tina Dumarao. Naglab-ot sa kabug-osan nga P70, 000 pesos ang piyansa sini nga duha ka kaso nga sang Nobyembre 25, 2010 pa ginpapanaog ang warrant sa sala ni Judge Dilano Villaruez sang RTC Branch 16, Roxas City.
