ROXAS CITY, CAPIZ- Gin-ako sang suspek nga si Warlito dela Cruz sang Legaspi Ilawod, Roxas City nga ang kadulaan sang stable nga trabaho amu ang nagtulod sa iya nga magpangawat sang manok sa isa ka panimalay sa San Roque Street, siyudad sang Roxas.
Ini matapos nga nadakpan sang mga kapulisan ang nasambitan nga suspek malapit sa atubang sang Colegio dela Purisima Concepcion samtang ginatulod ang motorsiklo bangud nga nahubsan sang gasolina.
Sa pag-imbestigar sang mga kapulisan, gin-ako naman sang suspek nga siya ang nagkawat sang amu nga manok kag ginbaligya lamang sa balor nga 400 pesos sa isa ka buyer sa Teodoro Arcenas Trade Center.
Sa subong yara nagapabilin nga napreso sa karsel sang Roxas City PNP ang nasambitan nga persona samtang narekober naman ang manok nga iya ginkawat.
