General Santos City—Ang SOCCSARGEN PRESS Club inabagan sa Presidential Task Force on Media Security (PTFOMS ) maglusad ug usa ka Regional Forum on Media Safety and Security nga ipahigayon karong Nobyembre 23, dungan sa ika 9 ka tuig nga kasumaran sa ngilngig nga Maguindanao Massacre nga nahitabo niadtong Nobyembre 23, 2009 nga gikamatay sa 58 ka mga biktima diin 32 niini pulos miyembro sa Media.
Gikatakdang muabot sa maong aktibidad si Undersecretary Joel Sy Egco, PTFOMS executive director.
Si Under Secretary Egco mupresentar sa update bahin sa media killings and violence nga natigayon sa nasud. Gikatakda usab nga hisgutan sa nasangpit ang mga inisyatibo nga gihimo sa gobyerno aron nga ma-address ang pagprotektar ug isyu sa seguridad sa mga myembro sa 4rth state.
Gikatakda usab niining bisitahon ang lubnganan sa mga biktima sa massacre nga gilubong sa Forest Lake cemetery dinhi sa Gensan samtang pagkahapon makigdayalogo kini ngadto sa pamilya sa mga biktima sa Maguindanao massacre.
Gilaumang mutambong sa maong forum ang mga local Journalist nga naggikan sa SOCSKSARGEN Region ug mga representante gikan sa PNP, PDEA, Department of Justice, Comelec ug uban pa.
Samtang duna usab ipahigayongf Fellowship night nga ipahigayon sa Tierra Montana nga tambungan sa Local Media Practitioners ug miyembro sa pamilya sa mga biktima sa Maguindanao massacre.
