ARESTADO | Kawatan, ginhimo nga boarding house ang balay nga ila ginkawatan, dakop sang mga barangay tanod!

Roxas City, Capiz – Isa ka persona nga kawatan ang nadakpan sang mga katapo sang barangay tanod sang Brgy V, Roxas City matapos ginhimo pa sini nga boarding house ang mismo poluy-an nga iya ginkawatan.
Suno sa chief tanod nga si Rolly Antonino, naabtan pa sang manghod sang tag-iya sang poluy-an nga si Mrs. Marilou Aspera ang 17-anyos nga suspek nga nagakatulog pa sa amo nga balay.
Nahibaloan nga ginbrengka pa sang mga ini ang pwertahan sang amo nga poluy-an.
Makit-an pa ang mga uling kag bugas nga patimaan nga nagluto pa ang mga ini.
Ginapahayag nga isa man ini sa suspek sa pagkuha sang duha ka battery sa parkingan sang mga truck ni Kapitan Godo Fuentes sang Brgy III samtang ang kaupod sini ang una na nga nadakpan.
© photo from web

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments