Navotas City – Kaniya-kaniyang palusot ang limang bata kabilang ang dalawang babae matapos na masakote sa ikinasang buy-bust operation sa Barangay NBBN, Navotas City.
Nakilala ang mga suspek na sina Jonalyn Santos, Rizza Mae Cortez, Rogelio Ilustrisimo, Joseph Flores at Russel Dalsaitan.
Kwento ng dalawang babae, bumisita lamang sila sa bahay ng isa sa tatlong suspek at hindi nila alam na nagbebenta pala ito ng shabu.
Iginiit naman ng tatlong lalaki na ang dalawang babae ang siyang may dala ng iligal na droga na kanilang sisinghutin.
Hindi umubra ang palusot ng mga ito dahil napag-alaman ng mga pulis na silang lahat ay pawang mga drug pushers sa kanilang lugar kung saan narekober sa kanila ang sampung pirasong plastic sachet ng shabu na may timbang na 50 gramo at nagkakahalaga ng P200,000.
