ARESTADO SA KASO | Duha ka wanted person sa Pilar Capiz, nadakpan!

Pilar, Capiz – Duha ka mga wanted nga persona sa banwa sang Pilar ang ginserbehan sang warrant of arrest sang mga katapo sang kapulisan.

Alas 8 sang gab-i, arestado si Bernardo Catalan y Moreno alyas “IGAK” 42-anyos sang Barangay Dulangan, Pilar, Capiz bangud sa kaso sini nga Murder sa diin may warrant of arrest nga napetsahan September 28, 2018 kag wala sang piyansa.

Alas 5:20 sang hapon sang nakaligad nga Hulyo 17, 2019, arestado man ang akusado nga ginkilala kay Christopher Beup y Flores, 33-anyos sang Barangay Dulangan, Pilar, Capiz bangud sa kaso sini nga Rape.


Wala sang piyansa nga ginrekomendar sa temporaryo sini nga kahilwayan.
Ang duha ka mga persona ang yara na nakahunong sa karsel sang pilar MPS kag natalana nga igapresentar sa hukmanan nga nagpapanaog sang warrant of arrest sang mga ini.

Facebook Comments