Cong. Greg, nagapahibalo sa mga restaurants bangud ginagamit ang iya pangalan para sa bogus nga ‘reservations’

299
cof

Ginapa-andaman kag ginapahibalo ni Congressman Greg Gasataya ang mga restaurants sa Bacolod nga may naga-gamit sang iya pangalan agud mag-reserve sang function hall kag pagka-on.

Ini matapos nga lima na ka restaurants sa Bacolod ang nagpabalo kag nag-verify kay Gasataya subong lang nga adlaw, KON may yara gid man ini sang reservation.


Suno sa kongresista nga INDI naman makabig nga ‘scam’ ang gina-himo nga reservation apang ang tuyo diri amo nga gub-on ang iya pangalan bangud nga posible mag-reklamo diri ang mga restaurant owners bangud nga nagpa-reserve ang iya opisina apang wala naman nila gin-sipot.

Suno kay Gasataya,”indi magpadala-dala bangud nga the same strategy, the same modus para magpangakig ang mga restaurants sa akon”.

Sa karon, padayon nga gina-check sang Congressional staff ang mga restaurants kag hotel sa Bacolod bangud nga amat-amat sila nga naga-damu.

Pinaka-latest nga gin-tawgan para sa reservation amo ang Palawod, Ading’s kag Imay’s.

Una na gin-tawgan sang nagpakilala nga staff ni Gasataya ang Tingtings kag Golden Fortune.

Nahibalu-an nga pareho lang nga numero sang cellphone ang gin-gamit sang ‘caller’ sa pagtawag sang mga restaurants.

Facebook Comments

From Advertisers