Pilar, Capiz- Dakop sang mga kapulisan sang Pilar MPS ang isa ka wanted nga persona nga may yara sang ginapangautabng nga kaso samtang ini ang yara sa Brgy Natividad, Pilar alas 9:30 sang gab-i.
Ginserbehan sang warrant of arrest sang mga kapulisan ang akusado nga ginkilala kay Isagani Diotay y Bantigue alias “Tukmo”, 46-anyos nga residente sang Brgy. Dulangan, Pilar, Capiz.
Ang amu nga persona ang may yara sang ginapangatubang nga kaso nga attempted homicide kag pagbayolar sa PD 1866 as ammended by RA 8294 ukon illegal possession of firearms and ammunitions.
Ang warrant of arrest ang ginpapanaog kag pirmado ni Judge Hannibal Patricio sang 1st Municipal Circuit Trial Court, President Roxas-Pilar sa diin may yara sang piyansa balor P12, 000 kag P60,000 sa duha ka kaso para sa temporaryo sini nga kahilwayan.
Ang amu nga persona ang yara na nakahunong sa kustodiya sang Pilar PNP kag natalana nga i-presentar sa hukmanan nga nagpapanaog sang warrant of arrest.
