Dead on Arrival o D-O-A sa ospital ang usa ka drug personality human misukol sa drug buy bust operation pasado alas dos kaganihang kadlawon sa Sta. Cecelia Subdivision, Barangay Gusa ning syudad.
Matud ni Police Chief Insp. Jason Santo Dominggo, Hepe sa Agora Police Station nga ang suspek nailang si Welmark Maestre alyas Tutos ug dugay nang gapamaligya sa druga.
Samtang gibutyag usab ni PO3 Regie Intud sa Agora Police Station nga unang nagpabuto og armas si Maestre ug mibalos lamang ang kapulisan.
Duha ka igo sa dughan ang naangkon sa suspek nga maoy hinungdan sa iyang kamatayon.
Nakuha gikan sa possession sa suspek ang duha ka sachet sa shabu, usa ka libong buy bust money, celfon, sling bag, mga sensilyo ug .38 nga armas.
Facebook Comments
