ARESTADO SI TWINKLE | Lalaki nga may kaso nga attempted murder arestado

878

KABANKALAN CITY, NEGROS OCCIDENTAL – Gin-aresto sang mga katapo sang Kabankalan City Police Station ang isa ka suspek nga may warrant of arrest sa kaso nga attempted murder kahapon sang hapon sa Brgy. Tabugon.

Nakilala ang suspek nga si Christian Ondac alyas Twinkle, 26 anyos ang edad, soltero kag pumuluyo sang Sitio Paril, Brgy. 6, Kabankalan City.

Suno sa pulis, las 4:45 kahapon sang hapon, ila nadakpan si Ondac sa Purok Narra, Brgy. Tabugon pinaagi sa warrant of arrest sa kaso niya nga attempted murder.

Sa karon ang suspek detained na sa custodial facility sang Kabankalan City Police Station./dyHB BACOLOD

Facebook Comments