BACOLOD CITY – Ginpablotter sang isa ka security guard ang kaangay man niya nga gwardiya nga nagpangtaya sang iya armas sadtong Huwebes sang gab-i samtang ini naga duty sa isa ka kompaniya sa Burgos Locsin St., Bacolod City.
Ang tagreklamo ginkilala kay SG Andrew Abrasado, 20 anyos ang edad pumuluyo sang Brgy. Santol, Isabela samtang ang suspek naman nga ginareklamo nakilala kay SG Anrro Tampos, legal ang edad pumuluyo sang Brgy. Ma-ao, Bago City.
Sa iya reklamo sa Police Station 1, ginsiling ni Abrasado nga may mga las 6:20 sang gab-i sadtong Huwebes, March 22 durante nga ini siya ang naga duty sa isa ka insurance company, ginpalapitan siya ni Tampos kag ginhambalan nga “ bro maano ka, suya ka?”
Matapos sini, gilayon man nga nag nag-gabot sang iya armas nga .38 calibre ang suspek kag gintaya sa biktima.
Bangud sini, ginkulbaan ang tagreklamo rason nga nagpadulong sa pulis kag nagpa-blotter./dyHB BACOLOD
