Armadong carnapper nakuhaan og druga, detinado

60

Detinado na karon sa Police Station kon PS6 sa Puerto ang usa ka carnapper nga naila nga si Louie Lozada, 32 anyos, ulitawo ug taga Villa Trinitas, Barangay Bugo ning syudad.

 

Matud ni Police Capt. Mario Mantala, Hepe sa PS6 Puerto nga nakadawat silag impormasyon sa ilang hotline nga kining suspetsado nangarnap og puti nga crosswind nga gipark diha sa Barangay Bugo nga gipanagiyahan sa usa ka Jefrey Querol Loberya, 36 anyos taga Barangay Puerto ug pagtungod sa maong sakyanan sa ilang buhatan ila kini gisulayan og pag.flag down apan nagpadayon lang kinig dagan paingon sa Barangay Agusan likod sa Agusan National High School ug gibangga niini ang sakyanan sa usa ka gate sa balay.


 

Dugang pa ni Mantala nga sa dihang nagpaila sila nga police gilayong gitagak sa maong suspetsado ang iyang calibre 38 nga armas nga adunay tulo ka buhing bala dayon surrender.

 

Nakuha usab sa posisyon sa suspect ang lima ka sachet nga adunay sulod sa gitoohang shabu ug na obserbaran nga high pa kini sa druga.

 

Gikabutyag usab ni Police Capt. Mantala nga rason sa suspek sa pagpangarnap mao nga gamiton niini ang sakyanan sa transportasyon ug adunay usab kini problema sa kwarta.

 

Insidente nahitabo mga alas dos kapin kon kulang karon lang hapon.

 

Samtang ang maong suspetsado posibleng mag-atubang sa kasong carnapping, illegal possession of firearms ug illegal drugs.

Facebook Comments

From Advertisers