Kumalarang, Zamboaanga del Sur – Gikustodiya na karon sa Kumalarang Municipal Police Station ang tulo ka mga lalaki nga gitudlong responsable sa pagpa-arak sa balay sa kapitan dihang nasapon sa gimontar nga checkpoint sa kasundaluhan sa National Highway, Barangay Bogayo, Kumalarang, Zamboanga del Sur niadtong nakalabay nga gabii.
Sapon sa checkpoint sa Charlie Company, 53rd IB, Philippine Army sa pagpanguna ni 1Lt Michael Bumidang, ang tulo ka mga suspek nga sila si Ryan Aribal Talara, 36 anyso, taga-Barangay Colo, Molave, Zamboanga Del Sur; Matan Gawol Gon, 37 lumlupyo sa Barangay Payungan Alicia, Zamboanga Sibugay; ug Mark Sandalan Ata, 38 anyos, taga Barangay Bolisong, Kumalarang, Zamboanga Del Sur.
Nakuha sa COMELEC Checkpoint gikan sa mga suspek ang tulo ka unit sa armas nga gikarga sa Jeep sama sa unit AK200R, us aka Cal. 45 pistola ug us aka unit sa KJ9 .
Sa imbestigasyon sa Kumalarang PNP nagbyahe gikan sa Barangay Gawil, Kumalarang, Zamboanga del Sur ang mga nahisgutan diin nga maoy gitoohang ni-strafing sa balay ni Kapitan Rey Cais sa Barangay Gawil.
Gikatakda na pasakaan og kaso ang mga dinakpan karong adlawa.
