Sa interview sa DXDC RMN Davao kang Police Major Marvin Hugos, Station Commander sa San Pedro Police Station gibutyag niini, ang suspect posibleng nalambigit kini sa pagpamaligya og gidiling droga sa ilang area of responsibility (AOR) tungod nakuhaan kini og tulo putos nga pinaugang dahon sa marijuana.
Segun ni Hugos, apil sa ginasubay kung kinsa ang iyang mga barkada nga gikuhaan sa droga ug sayron ang iyang trabaho.
“Kay kung dili lang ka mosukol sa atong kapulisan way problema makaabot man gyud ka sa station naa man gyud na sa atong record diha nga daghan ang nadakpan nato about sa illegal drugs nga nakaabot man sa station”,sulti ni Hugos.
Kahinumduman nakadawat og tawag ang kapulisan San Pedro gikan sa usa ka concern citizen, human nakit-an ang suspetsado nga nagdala-dala og armas. Sa pagresponde sa mga awtoridad wala mi-cooperate ug dayun namusil sa pulis, hinungdang napusilan. Gidala pa sa Southern Philippines Medical Center (SPMC) apan gideklarang dead on arrival, samtang nakuha gikan kaniya ang mga gidiling droga.
RadyoMaN Don Pulayao
