Davao City – Kasohan karong adlawa September 25, 2023, ang duha ka dinakpan nga sila Arje Olan-Olan, 20 anyos, laborer ug Chrischelear Gomogod, 23 anyos, parehong residente sa Purok 3, San Isidro Divine Mercy, Davao City.
Sa interview sa DXDC RMN Davao kang Robel Saavedra, Station Commander sa Bunawan Police Station gisulti niya, ang duha ka suspect karong adlawa i-inquest nunot sa kalapasan sa RA 9165 o Comprehensive Dangerous Drugs Act of 2002.
Segun ni Saavedra, dugay na usab kini ginapanid-an sa kapulisan sa Bunawan una kini nadakpan sa mas gipakusgan nga kampanya kontra gidiling druga sa area of responsibility.
Nasikop ang duha ka suspect sa buy bust operation sa KM. 28, Lasang ug napalitan sa illegal drugs nga motimbang og 0.23 grams with estimated value P500.00, nakumpiska usab ang mga illegal drugs paraphernalia.
RadyoMaN Don Pulayao
Facebook Comments
