Davao City – Naharang sa check point sa Task Force Davao ang usa ka 33 anyos lalaki human nakuhaan og shabu ug armas pasado alas-3:00 sa kadlawon didto sa Licanan, Brgy. Lasang, Bunawan District syudad sa Davao.
Sa report gikan sa Bunawan PNP ang suspek nailang Julius Labajo nga taga Purok 5, Sto. Tomas Davao Del Norte.
Sumala pa sa dihang naglusad og pag-inspeksyon ang mga personahe sa Task Force Davao nakuha gikan sa suspek ang walo ka sachet nga gituohang shabu nga mutimbang sa 12 ka gramos lakip nakumpiska ang usa ka .45 kalibre pistola, lima ka bala ug mga drug paraphernalia.
Ang dinakpan balhug na sa Bunawan PNP ug mag-atubang og kasong paglapas sa R.A 9165 kun Comprehensive Dangerous Drugs Act of 2002 ug kasong illegal possession of firearms and ammunition.
RadyoMan Don Pulayao
