Narekober sa tropa sa 26th Infantry Battalion, Phil. Army ang usa ka AK 47 rifle, tulo ka set sa IEDs, mga medicina, personal nga mga butang ug mga subersibong dokumento atol sa ilang gipahigayong clearing operation human sa pila ka minutes nga bakbakan. Nasayran nga alas dos sa hapon nagkaingkwentro ang tropa sa 26th IB Phil. Army ug NPA nga sakop sa Guerrilla Front 3, Southern Mindanao Regional Committee didto sa Sitio Maigang, Brgy. Kauswagan, Loreto, Agusan del Sur.
Sigun ni 26th IB CMO Officer Maj. Rodulfo Cordero, walay casualty sa panig sa gobyerno sa maong bakbakan.
Giklaru usab ni BGen. Andy Centino, brigade commander sa 401st Brigade Phil. Army nga walay kamatuoran ang migawas nga impormasyon nga adunay 25 ka mga sakop sa New Peoples’ Army (NPA) ang misurender human sa bakbakan.
Ang nahitabu lamang mao ang imbistigasyon sa kasundaluhan sa pipila ka mga indibidwal nga nakita sa encounter site apan dali ra usab sila’ng gi-release human nasuta nga mga sibilyan lamang sila.
Sent from my Samsung Galaxy smartphone.
