Boluntaryo na nga nasurrender sa Maasin PNP ni Vice-Mayor Francis Amboy ang iya 9mm nga armas luthang sang nakaligad nga tuig matapos nag-expire ang lisensya sini sang 2014.
Ini ang ginkumpirmar ni Police Chief Inspector Jonathan Pinuela, Chief sang Provincial Intelligece Office sang IPPO matapos makita ang blotter sa Maasin Police Station nga ginsurrender ni Vice-Mayor Amboy ang iya pistola sang Agosto 11, 2016.
Una diri, ginpahayag ni Pinuela nga nakabaton sila sang report nga may yara sang ginatago nga armas luthang si Vice-mayor Amboy kabangdanan ila ini gin-validate.
Matapos ma-validate sa kampo Crame kag natukiban nga may yara ini sang 9mm pistol nga lisensyado sang 2012 apang nag-expire na sang 2014 kabangdanan ila ini gin-applyan sang search warrant.
Kaina sang kaagahon ila ginserbe ang search warrant sa balay ni Amboy apang nangin negatibo ini.
Nahibaluan ugaling ni Pinuela nga na-surrender na ni Vice-Mayor Amboy ang nasambit nga armas sa Maasin Police Station sang nakaligad nga tuig kag ginapatihan nga nadala ini sang mga NPA sang ginsulod sang mga ini ang Maasin Police Station sang nakaligad nga bulan sang Hunyo. (sspunay)
