Armas sang gwardya lumupok, duha napilasan

280

BACOLOD CITY – Duha ka mga lalaki nabiktima sang accidental firing bangud man sang paglupok sang service firearm sang isa ka gwardiya kahapon sang aga sa guardhouse sang Regent Pearl Home Subdivision, Brgy. Alijis, Bacolod City.

Nakilala ang mga biktima nga sanday Jorlan Sancho kag Joel Octaviano, samtang, ang suspek naman ginkilala nga si John Demie Montrada, legal ang edad, security guard sang DC2 Regent Pearl Homes Subdivision sa Brgy. Alijis.

Suno sa imbestigasyon sang Police Station 7 may mga las 9:30 kahapon sang aga, aksidente nga naglupok ang armas sang amo nga gwardiya samtang nga ini ang iya gina-uyatan.

Ini ang nagresulta sa pagka-igo sang duha ka mga biktima nga lunsay napilasan sa ila nga paa.

Narecover sa lugar nga ginluntaran sang insidente ang isa ka 9mm caliber pistol, isa ka magazine nga may 6 ka live bullets kag isa ka empty shell sang 9mm.

Sa karon detained na sa custodial facility sang Police Station 7 ang gwardiya para sa nagakaigo nga disposisyon./dyHB BACOLOD

Facebook Comments