DUMAGUETE CITY, NEGROS ORIENTAL – Natalana nga pasakaan sang kaso parricide ang isa ka amay nga nagpatay sang iya asawa nga isa ka maestra kag nagabusong pa sadtong Martes, may mga las 5:45 sang kaagahon, November 27 sa Brgy. Taclobo, Dumaguete City.
Ginkilala ang biktima nga si Verginia Montesor, 31 anyos, tumandok sang Brgy. Dubdub, banwa sang Valencia, Negros Oriental, isa ka public school teacher kag nagabusong pa sang 7 ka bulan.
Nakilala naman ang suspek nga amo si Ronald Montesor, 29 anyos ang edad, pumulyo sang San Jose Extension, Brgy. Taclobo, Dumaguete City.
Suno sa imbestigasyon sang Dumaguete City Police Station nga napatay ang biktima tuga sang suffocation bangud nga gintabunan sang ulunan sang iya bana ang nawong sang biktima tubtub nga nawad-an ini sang ginhawa.
Naga-gwa man sa imbestigasyon nga pagpangimon ang posible rason kon ngaa nahimo sang amo nga bana ang krimen./ Web graphics|TimesNowNews
