Armas ug mga bala, gisurender sa tag-iya sa Gingoog City Police Station

PC: Gingoog City Police Station

Boluntaryong gisurender sa usa ka lalaki ang iyang armas ug mga bala ngadto sa Gingoog City Police Station human gipahigayon sa kapulisan ang Oplan katok / Kontra Boga. 1:15 P.M

Ang lalaki nailang si Mark Joseph Paler, 35 anyos, minyo ug taga Purok 3, Barangay 23, Gingoog City, Misamis Oriental.

Giturn-over ni Paler ang iyang 40 pistol, Glock G23 Blue Ext, tulo ka magazines, 36 ka buhing bala ug box sa armas.


Alayon niini, gidayeg ni Misamis Oriental Provincial Police Office, Director, Police Colonel Robert Roy Bahian ang mga personahe sa Gingoog City Police Station sa pagpanguna sa ilang Officer-In-Charge nga si Police Lt. Colonel Ariel Philip Pontillas sa pagpatuman sa Oplan Katok/Kontra Boga.

Giaghat usab ni Police Colonel Bahian ang kapulisan nga ipadayon ang mga paningkamot aron mawala ang tanang klase sa krimen sa Misamis Oriental ug mas pahugtan pa ang ilang kampanya batok krimen.

Facebook Comments