Giransak sa wala mailang mga suspects ang Bigboys Motor Parts nga nahimutang sa Purok-4, Batangan, Valencia City, Bukidnon nga nadiskubrihan mga alas 2:43 kagahapon sa kadlawon.
Ang maong motor parts store gipanag-iyahan ni Kathlyne Projo, 28 anyos, minyo ug residente sa maong lugar.
Nakuha sa mga suspects ang lain-laing motor parts nga nagkantidad sa kapin 19-mil pesos ug giguba pa ang CCTV Camera nga nagkatidad sa 12-mil pesos.
Nasayran nga human sa insedente, daling misibat ang mga suspects sakay sa duha ka motorsiklo nga walay mga plate numbers.
Sa karon padayon pa ang imbestigasyon sa kapulisan sa Valencia City Police Station aron maila ang mga suspects ug giaghat ang katawhan nga motabang aron masulbad ang maong krimen.
Facebook Comments
