Davao City – Gipaboran karon ni Barangay 76-A Punong Barangay Bogart Trajera ang plano karon ni Pres. Rodrigo Duterte nga armasan ang tanang mga sakop sa Bureau Fire Protection (BFP).
Kini aron madepensahan sa mga sakop sa BFP ang ilang mga kaugalingon gikan sa posibleng resbak kun pangatake sa mga masunogan, matud ni Trajera.
Matud ni Trajera, panahon sa sunog taas kaayo ang emosyon sa mga masunogan, busa kun malangay gani og abot ang mga bumbero, dili gayud kalikayan nga mabigwasan sila sa kasuko sa mga tawo.
Ang kagagmay sa mga dalan ug ang pagpataka og bira sa hose sa mga residente ang rason nganong mas mudako pa ang kalayo nga molamoy sa kabalayan apan kini nga sitwasyon dili masabtan sa mga tawo.
Sugyot ni Trajera nga kadtong magresponde ug gibansay lamang ang armasan ug gipaniguro nga istrikto ang palisiya alang sa magkupot og pistola aron sa ingon walay mangabuso sa mga gitugyanan niini.
RadyoMaN Joel Viray
