BFP: Pag-arma sa kabumberohan gi-uyonan

18

Davao City – Tumanon sa mga ginsakpan sa Bureau of Fire Protection (BFP-XI) ang sugyot nga armasan ang mga bumbero aron motabang sa kapolisan sa kampanya kontra kriminalidad, insurhensiya ug uban pang hagit sa atong seguridad.

Sumala ni SF01 Ramil Gillado sa BFP-XI, niadtong gipailawom pa sila sa Philippine Constabulary –Integrated National Police (PC-INP), adunay service firearms ang mga bumbero aron motabang sa mga operasyon sa kapolisan kung walay respondihang sunog apan sa dihang napailawom na sila sa Department Interior and Local Government (DILG), wala na tugoti pa nga magdala’g armas ang mga firefighters ug mo-uban sa mga operasyon.


Giklaro ni Gillado nga kung adunay mando nga subli silang armasan ug motabang sa operasyon sa Philippine National Police (PNP) sa ilang operasyon kontra krimen ug droga, ila kining pagatumanon gilayon.

RadyoMaN Bernard Pantallon

Facebook Comments

From Advertisers