Manila, Philippines – Humingi ng despensa ang driver ng armored van na umabot ng apat na oras bago bumaba Matapos na sumalpok sa poste ng Meralco at nadamay pa ang Fire Hydrant at pader ng isang bahay sa Hemady Street Brgy. Kristong Hari QC.
Umabot ng apat oras simula alas onse kagabi hanggang kaninang alas tres ng madaling araw bago bumaba sa Armored van ang driver na nakilala sa pangalang Esidro Belsa
Nakilala si Belsa sa pamamagitan nitong Photocopy ng kanyang drivers license at ID.
Bukod kay Belsa ,mayroon pang dalawa itong kasamahan na tagaktak na sa pawis dahil sa apat oras sa loob ng Armored Van na hindi umaandar ang makina.
Paliwanag ni Belsa Standard Operating Procedure umano sa kanila na hindi basta bumaba sa Armored Van lalot mayroong lamang pera na idedeliver sana sa isang bangko sa Quezon Avenue.
Halos magkasunod nang dumating sa lugar ang mga tauhan ng Meralco at Maynilad para ayusin ang bumubulwak na tubig mula sa Fire Hydrant at natumbamg poste ng Meralco.
Napag-alaman na isang retiradong Prosecutor ang may-ari ng bahay na binangga ng Armored Van ng Armortech International Transporter Corporation.
Ayon kay Pasay City retired Prosecutor Jesus Tiu,sasampahan pa rin niya ng kaso ang driver ng Armored Van kahit humingi pa rin ito ng paumanhin dahil nawasak ang pader matapos mabangga ng mag overtake at nawalan ng preno ang Armored Van.
Facebook Comments
