Laborer ug kaubanang minor de edad gitigbas-usa patay

39

General Santos City—Patay ang usa ka laborer human kining gitigbas sa grupo sa mga batan-on sa Brgy Dadiangas North ning dakbayan sa Gensan. Biktima nailang si Micheal John Llames taga Macopa st. brgy North. 


Sumala ni Police Chief Inspector Romulo Villarta- hepe sa Pendatun Police Station, daan nang dunay bikil ang biktima ug ang suspetsadong si alyas Kier 17 anyos nga taga Camachili St Brgy East, tungod lang sa babaye.


Ayha pa man natigayon ang krimen nagkahagitay pa ang duruha apan nanawag og resbak ang suspek dayon ilang gipanggukod ang biktima ug kauban niining si alyas Brenham 14 anyos hangtud nga naabtan sa mismong compound sa ilang pinuy-anan sa Macopa ug didto sila gipangtigbas.


Nasayran nga gidala pa sa Diagans Hospital ang mga biktima apan walay swerteng nakabsan sa kinabuhi si Micheal samtang luwas hinuon ang kahimtang sa kauban niining si Brenham  ..


Dakong samad sa ulo, abaga ug uban pa ang naangkon sa biktimang nga maoy hinungdan sa iyang kamatayon.


Unang misibat ang mga suspek apan sa pagresponde sa kapulisan gilayon nga nadakpan ang duha ka mga batan-on lakip na ang prime suspek.



Facebook Comments