Army intelligence officer patay sa buy-bust

Davao City – Patay ang usa ka Army Intelligence Officer sa gihimong buy-bust operation sa awtoridad nahitabo sa Jose Abad Santos St., Brgy Zone 3, Digos City alas 10:07 sa kagabhion.

Sa report sa Digos City Police Office, giila ang namatay nga si Reginald Labajo 35 anyos, Army Intelligence Officer sa 39th IB Phil. Army ug residente sa Abella Subd, Zone 1 , Digos City human ma engkwentro ang joint forces sa PNP UG PDEA sa usa ka buy-bust operation.

Matud pa, natigayon ang pinusilay human miaksyon ug sukol ang suspek pinaagi sa pagbunot sa iyang pusil nga nakasukbit sa iyang hawak tungod kay iyang natiktikan nga si Police Corporal Emperado ang iyang ka transaksyon.


Buenas nga wala maigo si Police Corporal Emperado sa pagpusil sa suspek rason nga kini mibalos sa pagpusil hinungdan nga naigo sa dughan ug agtang ang suspetsadong intel officer.

Nakuha gikan sa posisyon sa suspek ang jumbo sachet nga gituhoang shabu ingun man ang Glock 9mm lakip ang mga magazine ug ang marked money nga kantidad 6, 000 ka pesos.

RadyoMaN Erin Lumosbog

Facebook Comments