ARMY vs NPA | Engkwentro sa tunga sang militar kag NPA, nagluntad sa banwa sang Maayon, Capiz

146

Maayon, Capiz – Nagapadayon sa gihapon ang hot pursuit kag clearing operations sang 61st Infantry (Hunter) Battalion sang Philippine Army sa nagluntad nga engkuwentro sa tunga sang ginapahayag katapo sang NPA kag militar sa Sitio Gumawa, Barangay East Villaflores, Maayon, Capiz mga alas 3:50 ang takna kaina sang hapon.
Ginpahayag ni LTC Sisenando Magbalot Jr., commanding officer sang 61st IB nga nagdugay sang halos 15 minutos ang pagbayluhanay sang lupok sa tunga sang militar kag mga rebelde. Suno diri nga katapo sang Sangay sa Partido Platoon East sang NPA nga naga-operate sa banwa sang Maayon, Cuartero kag pila ka porsyon sang probinsya sang Iloilo ang naengkwentro sang mga militar nga ginabulubanta mga masubra napulo ka mga armado.
Nagapatigayon sang Community Support Program ang military nasambit nga barangay sang ginsulod sang nga grupo rasun nga nagluntad ang engkwentro. Malayo sa kabalayan ang ginluntaran sang engkwentro kabangdanan nga wala sang may naulamid nga sibilyan. Amat-amat nga nakapalagyo ang mga rebelde samtang nagapadayon ang pagbayluhanay sang lupok sang magtimbang nga bahin. Maswerte naman nga wala sang may napilasan sa nasambit nga engkwentro.
Bantayan ang dugang nga detalye sa DYV RMN Roxas.

Facebook Comments