Wala madayon kagahapon sa buntag, ang arraignment sa Sandiganbayan 2nd division sa kasong Graft and corruption nga gipasaka sa Ombudsman batok nila Mayor Oscar Moreno, City Engineer Rolando Pacuribot, Patrick Gabutina, Elmer Wabe ug Divina Bade.
Matud ni Atty. Dale Bryan Mordeno nga kini tungod kay gihatag na sa Anti Graft Court ang ilang motion for consolidation sa tanang kaso batok ni Moreno ug mga kauban nga gipasaka sa Sandiganbayan.
Matud ni Mordeno nga gihulat pa sa Anti Graft Court 2nd division ang tanang record sa mga kaso batok sa Mayor nga gipasaka sa Ombudsman sa pito nga mga Division sa Sandiganbayan.
Kini nga mga kaso may kalabutan gihapon sa isyu sa rental sa mga heavy equipment sa kapitolyo niadtong panahon nga gobernador pa si Moreno sa Misamis Oriental.
Una pa niini si Moreno ug mga kauban, gi-akusahan sa Ombudsman basi sa reklamo ni Engineer Antonio Nuñez nga nag-renta sa mga heavy equipment sa kapitolyo nga walay public bidding.
