Davao City – Responsibilidad sa mga awtoridad ingon man sa mga civilian ang paggukod sa tanang mga nagdula sa illegal drugs – apil kadtong mga kadagkuan sa nasudnong kapulisan.
Nunot kini sa gipagawas nga marching order ni Pres. Rodrigo Duterte nga hatagan og reward ang mga lower-ranking police personnel nga maka-neutralisa sa ilang mga salawayong superiors nga nalambigit sa dautang binuhatan.
Sumala ni Lasang Barangay Captain Allan Simo-ag, katungod kini sa bisan kinsa nga ipahibalo ang mga dautang binuhatan sa mga appointed o elected nga mga opisyal nga nagbinuang sa ilang pwesto.
Dugang ni Simo-ag nga aron masalbar ang imahe sa Philippine National Police (PNP), gikinahanglang seryoson ug consistent ang kampanya batok sa mga hiwing binuhatan sa mga opisyal ilawom sa administrasyong Duterte.
RadyoMaN Bernard Pantallon
